إعداد الحلقه:
إسكربت:
عمر حيدر
روني
هندسة صويتة:م/محمد شورجيه

إسكربت الحلقه
اسباب الحزن اللي بتحس بيه، دلوقتي او امبارح او بكره، صدقني مش هي
الاسباب الحقيقة في حزنك؟

يعني انت مش حزين عشان دخلت الامتحان ومحلتش، ولا عشان صحابك كانوا اندال معاك، ولا حتى عشان سنك كبر ومتجوزتش، ولا عشان احساسك بالواحدة، او حتى عشان عايز تخلف ومخلفتش؟ السبب الحقيقي في حزنك انك طول الوقت عايش بعيد عن نفسك!!، بتهرب من القاعدة معها، بتسد ودانك عن صوتها وهي بتنادي عليك، عشان تشوف هي عايزة ايه؟ بتحلم بايه؟ لكن انت بتنشغل عنها انك بتوه، وسط احلام الناس وامانيهم وتتعامل معاها علي انها بتاعتك وتخصك، والحقيقة انها مش شبهك اصلا، فطبيعي انك متنجحش وطبيعي انك تفرحش، لانك مش عايش اللي جواك ،
لو قررات تقعد مع نفسك ، هتكتشف ان في حاجات كتير بتزعلك مبقتش زعلك،انك سهل تفرح وتنبسط، انت فين من نفسك دلوقتي؟
– – – – – – – – – – – – – – – – – –
فى بنت نقطة ضعفها “كلمة حلوه”
وفى بنت نقطة ضعفها” هدية حلوه”
وفى بنت نقطة ضعفها” رواية حلوة”
وفى بنت نقطة ضعفها” شخطة حلوه”
وفى بنت نقطة ضعفها” فيلا وعربية حلوة”
واحلى بنت اللى نقطة ضعفها” انت!؟ حتى لو مفيكش اى حاجه حلوه”
– – – – – – – – – – – – – – – – – –
انتى مش محتاجه حد معاه فلوس؟ انتى محتاجه, واحد محلتوش غير “قلبه” يقدمهولكِ فى عز الضيقة, يكون سرك ساعة الواحدة, يلحق دموعك قبل ما تنزل, يكون حضنك وقت الخوف, يفضل معاكي لحد ما تغمضي عينيك, وتروحي فى النوم, ويضحكك اول ما تفتحيها تاني, جاهز يحكي ليك حودايت, ويحضنك كل ما تفرحى
هى دى افضل طريقة لــ التعامل مع “ملاك شبهك” صباحك شبه نقاء قلبك, وحلاوة ملامحك
– – – – – – – – – – – – – – – – – –
في ناس بتحسهم مع اول ازمه في العلاقة، انهم كانوا مستنينها!! ، عشان تبص متلاقيهمش، في الغالب هما دول نفس الناس، اللي بيكونوا غلطانين ويبقوا عاوزينك تصالحهم، وهما برضه الناس اللي بيظهروا فجأة ويختفوا فجأة والسبب انهم كانوا جاين يشحنوا مشاعر هم يمشوا،
– – – – – – – – – – – – – – – – – –
كل حاجه كانت باينه، ومتوثقه بمواقف، والاحساس وقتها كان عكس المشهد، بس انت اللي كنت بتعمل نفسك عبيط ومش واخد بالك، عشان الموضوع كان عجبك، وكان نفسك انه يكمل زي ما انت عايز، بس اللي انت متعرفهوش ان نتيجة تجاهلك ، لحاجات بتحس بيها، وبتكدبها ان الاحاسيس دي بتفضل تجمع تجمع، لحد متظهر بشكل مفاجئ في صورة صدمة كبيرة، ممكن تخليك متفوقش من بعدها ومتعرفش تكمل، فعشان كده، اهتم بالاحساس اللي بيجي في وقت المفروض انه ميجيش فيه؟ عشان تتفادي صدمه ممكن تهد حياتك ، او تسيب جواك شرخ يفضل يوجع فيك طول ما انت عايش
– – – – – – – – – – – – – – – – – –
متخليش حبها ليك نقطة ضعف، تستغلها وقت لما تحب تجبرها علي حاجه، ده عشانك
ملحوظة: الاسطورة بتقول انها بتكون فاهمه، بس بتفوت بمزجها مره وعشرين، لحد ما بيجي وقت بتقولك انا مش هكمل، وبعد كده مبتشفوهاش
– – – – – – – – – – – – – – – – – –
مستغربك جدا، طريقة تفكيرك مختلفه متميزة ، رافض بينك وبين نفسك انك تكون تقليدي، يعني مجرد نسخه مكررة، ليك نكهة حلوه وسط اصحابك وبين العيله، ده حتى انت بتخترع لنفسك طقوس في الحزن، وطقوس في الانبساط، بس ليه بتخاف تفكر نفسك بنجاحاتك؟ تجربة شغل قديمة، او انجاز في مادة مكنتش فتحتها غير ليلة الامتحان ورغم كده جبت تقدير، التطور اللي بيحصل في شخصيتك من وقت لتاني، استعدادك انك عايز تعرف تتعلم حاجات جديدة، وحاجات كتير بس انت بتشوفها حاجات عبيطة متستهلش انك تفكر نفسك بيها!! حبيبي الحاجات العبيطة دي في وقتها كانت نجاح اقتنعت او مقتنعتش ده مش هيغير حاجه في الموضوع، بلاش تبقى انت اول شخص بيهدمك؟ والمفروض انك محتاج اللي يبنيك، لانك نجحت فعلا، النجاح مش مينفعش تقيسه او توزنه بالكليو!! لانه بيتقاس علي حسب وقته وامكانياتك واحتياجاتك في الوقت ده، المشكلة مش في انك متقدرش تحقق حلمك، المشكلة انك شايف انك مش هتقدر، طب متحققش حلمك ليه؟ خايف تتعب ؟ احلى راحه اللي بتكون بعد تعب لانك بتشوف انك تستحقها، ثم ان تعب شوية وبيروح ايه المشكلة، خايف تفشل ؟ ما تفشل وافضل افشل لحد الفشل ميزهق منك ويسبك، اقولك علي سر اي حلم نفسك تحققه؟

طول ما انت حاسس بغربه بينك وبين حلمك عمرك مهتتقابلوا سوا، ودي حلها انك تصحبه، لو صاحبته خليك جدع معاه، واحلفك وأكدلك انه هيخلصلك وعمره ماهيخذلك، انت لسه بتفكر ؟
– – – – – – – – – – – – – – – – – –
من ابجديات النجاح في الحياة
الصبر ثم الصبر ثم الصبر
انك تكون مستعد، انك تسمع الكلام الوحش في الوقت اللي انت محتاج فيه كلمة واحده بس حلوه
تتعود انك تبص حوليك وقت الشدة في متلقيش حد، في تغير نظرة عينك وتبص في السما هتعرف ان ربنا علي طول معاك، وده كفايه
الفرح مش الوصول لاهدفك، الفرحه انك مؤمن ان تقدر توصله
دعوة امك مهمه جدا، خليك حريص انك متتحرمش منها يعني متزعلهاش
مفيش حاجه اسمها وقت فراغ لانك دايما محتاج وقت عشان تقدر تنجز اكتر
التعليم مش جامعه وبس، التعليم ملوش نهاية وملوش سقف
الراحه النفسية مهمه جدا عشان كده ركز انك تكون موجود وسط الناس اللي لو مش هتشجعك مش هتحطمك
الفشل تجربة اساسية لازم هتمر بيها، وممكن تطول معاك لحد متقتنع انك مصدر الفشل، اصلا، فما تخافش منها فترة وهتعدي مهما طولت وعلي قد الفشل بيكون النجاح
انت ممكن تغير العالم بشرط انك تقدر تغير من نفسك
مفيش حاجه اسمها سن لاي حاجه، حب او جواز نجاح فشل، لانك ممكن تعمل كل حاجه بظبط وفي وقتها ومتجيش معاك برده، او تحصل عوامل خارجيه توقفك زي المرض او الوسطة، او الناس الوحشين،
انت مش نسخه من حد عشان تقارن نفسك بيه، انت حاجه فريدة خد بالك من ده كويس، يعني طبيعي اللي نفع مع غيرك مينفعش معاك
لو عندك اصرار هتكمل ام لو ناقص عندك، لازم تنميه او تشتريه او تتعلمه، وده من خلال انك ترفض انك تستسلم من اول جولة
كلام الناس ده اخرحاجه تبص عليها، لانهم مش هيبطلو يتكلموا، عشان هما مورهمش حاجه يعملوها، ف متنساش اللي وراك وتنشغل بعالم فاضيه، كده انت نزلت لمستواهم
قصة الحب في طريق النجاح بتقصره وتسهله وتخفف من الصعاب، لو ظهرت بس مفيش حاجه من دي حصلت ، اهرب فورا انت كده راجع بضهرك
اخيرا النجاح مش حكر علي ناس وممنوع علي الناس النجاح ايمان جواك انك تستحقه، يعني لو حصل غير كده تبقى انت شايف انك متستحقهوش، ودي بقا
مشكلتك مع نفسك
ربنا مش جايبك الدنيا عشان تتعب ولا رماك وسابك بس انت اللي بتعلق نفسك بحاجات فاضيه، وبتنسى انه موجود وبيقولك اطلب اتمنى وانا هحققلك، قول بقا يارب وتأكد ان النتيجة مذهله لانها دايما في صالحك
– – – – – – – – – – – – – – – – –
ومن ضمن التخطيط اللي بيشمل لون العفش, ومساحة الشقة, والمبلغ اللي هيتم كتابته في قايمة العفش، ومؤخر ومقدم، وقاعة الفرح، هل الفستان هيكون بكم؟ ولا كاب؟ تسريحة الشعر حره, ولا هيكون فيه طرحه؟ والوان الحوائط وعددالمعازيم , ده حتي بيتم الاتفاق علي الاغاني اللى هتناسب Wedding Dance
وزيارة متكررة على طايفة الصنايعيه, ومحلات السيرميك والعفش, والمطابخ والنيش,مرورا بمكان honeymoon, وصولا الى عدد اللىالاستكيرز اللى فى اوضة الاطفال.

حلو التخطيط خصوصا لما يكون بغرض حياة جديدة, وبداية جديدة, باحلام وطموحات واماني كلها تفأول, بس الغلطة اللى كتير بيقعوا فيها هى انهم بيكون حريصين جدا بناء شكل “مبهر للحياة الجديدة وبينسو اهم حاجه انهم يعيشوها فعلا, زى ما يكونوا بيسبوا احلامهم على باب الحياة دى قبل ما يدخلوها.
توضيح: طلما رسمت خطط لشكل حياتك, اوعى تنسي انك بتعمل كده عشان تكون مبسوط
– – – – – – – – – – – – – – – – –
وحياة ابوك يا شيخ وانت بتتعامل مع اي موقف في حياتك اتعامل وانت شكلك زي الاسد مفيش اي حاجه فارقه معاك، عشان خاطر ربنا اركن احاسيسك بانك شخص مش فارق وغير مهم، علي جانبك، ونظرة انك واقع من الدورالعاشر، الاحاسيس دي كلها جواك انت ومخرجتش براك، حاول تنحيها علي جانب،ومتوافقش علي اي حاجه وخلاص، وانت تقول لنفسك، بس ياريت تيجي، يعني طلما هي كده كده خربانه ، يبقا انصاف الحلول انصاف المشاعر انصاف الصحاب، انصاف المحبين، ملهمش اي تلاتين لازمه، الحياة بتعيشها مره واحده يبقا مينفعش تعيشها نص حياة وهي محسوبة عليك حياة كاملة
– – – – – – – – – – – – – – – – –
, لما بتكون “زعلانه” منك بتعمل حاجات كتير, متعرفش عنها حاجه، على سبيل المثال, بتشوف بروفيلك, و كل شوية بتبص على اخر ظهور ليك, على الوتس اب , بتطلع رقمك من ع التليفون وتفضل تبصله بالساعات, بتبص للصورك وبتكلم وياك وبتسرح, ولما بتوحشها اوى, “بتزورك فى الحلم” علشان تصالحها, شغل ملايكة بقا
– – – – – – – – – – – – – – – – –
لو حاسس ان الحالة النفسية عندك مش لطيفة, وحاسس انها فى طريقها انها تكون “مش الطف” وشايف حواليك كتير انت مش فارق معاهم, رغم انهم فارقين معاك, ومن كتر “الهم” مش قادر تعمل حاجه, ولا تقول حاجه, عشان شايف انك مش حاجه, افتكر اصلا, انك اول مشرفت لدنيا “كنت بتعيط” و كنت جاي لوحدك ومتعرفش حد, ومش فاهم حاجه, بس “ربنا” بعتلك حضن ام وعطف اب, والحياة مشيت والايام عدت, وشوية فرح وشوية “غم” وكله بيعدي, بس افتكر ان حالتك دلوقتى هى فترة وهتعدي, وهتقوم منها اقوى, بس اوعى تبعد عن
“باب ربنا” او تبطل متطلبش منه كل اللى نفسك فيه وبتحلم بيه, كل متقرب منه هيقرب هو منك اكتر,عايز ايه اكتر من كده عظمه؟ عرفت انك مش قليل ولا حاجه, عشان انت قدرك كبير عند ربنا, بس انت اللى انشغلت شوية.
الخلاصة‬: افرح عشان ربنا معاك
– – – – – – – – – – – – – – – – –
اعمل كل حاجه نفسك فيها بجد, وبعد متعملها وتشبع وتحس أنك مبسوط فكر فى الناس!! مش تعتذر لاء ولا تقول مبرارت؟ برضه لاء, تديهم بالجزمه
انت اهبل؟ بتعمل حساب لشكلك ومنظرك قدام ناس عايشين فى خيالك ولنفرض انهم عايشين معاك, لو مضطر تقولهم مبرارات تبقا فعلا اهبل؟ مين دول؟ وتفكر فيهم ليه؟ ما انت بتتوجع وبيداس عليك ومبتفتحش بوقك بكلمه, ليه بقا تنكد على نفسك عشان خاطر شوية شخصيات مكانها الطبيعي جنينة الحيوانات؟؟
‏الخلاصه‬: اللى فاهمك بجد بيكون عارف انت بتعمل كده ليه؟ لكن ذوات المؤخرة الحمراء, هما دول اللى دايما لابسين توب العفه
– – – – – – – – – – – – – – – – –
هو احنا ليه مشاعرنا مبتظهرش غير لما نسمع اغنيه؟
غير لما بنكون لوحدنا؟
غير ومحدش شايفنا؟
ليه بنسيب اجمل لحظات في حياتنا تعدي, عشان شوية حاجات عبيطة, شكلى وبرستيجي, او كرامتي
اقولك ليه؟
عشان ساعة الوجع, لما تزورك الذكريات المؤلمه, تفضل تقول ياريتني كنت عملت ياريتني مكنتش اتصرفت بشكل ده؟ مش لو كنت وقتها عملت كده؟ مكنش حصل ده؟
هو احنا ليه مشاعرنا مبتظهرش
غير لما يكون الوقت فات!!
– – – – – – – – – – – – – – – – –
‫ماذا تقول لمن يرقابك بصمت‬ : طول ما انت صامت, اوعى تزعل طول مانا عامل عبيط