Contacts
Info
Entrevistas en profundidade con diversas personalidades que teñan algo importante que achegar ao Ateneo, á cidade, á cultura ou ao ámbito social.
21 NOV 2024 · Francisco Javier Sardina é Catedrático de Química Orgánica da USC. A súa investigación básica encádrase nos campos de Síntese Orgánica e Química Orgánica Física, que deron lugar a máis de 60 publicación e 19 teses de doutoramento. En 2004 funda Mestrelab Research, unha empresa dedicada ao desenvolvemento de sofware científico.
14 NOV 2024 · Para finalizar o ciclo de entrevistas do Ateneo Barroco, temos o pracer de conversar con Pablo Seoane e Pablo Rega, dous músicos galegos cunha sólida traxectoria no ámbito da improvisación. Pablo Seoane, pianista e filósofo, é coñecido polo seu traballo en música contemporánea e jazz, así como pola súa produción literaria sobre estética e filosofía da música. Pablo Rega, artista sonoro e músico experimental, destaca pola súa participación en múltiples proxectos de vangarda e instalacións sonoras. A súa colaboración para o concerto Improvisacións Goldberg, inspirado nas Variacións Goldberg de Bach, representa un diálogo musical que funde tradición e modernidade.
6 NOV 2024 · Fernando Santiago é un violonchelista natural de Bueu, que cursou os seus estudos no Real Conservatorio da Haia, nos Países Baixos, e na Universidade das Artes de Tokio. Ten ademais colaborado con grandes músicos e ofrecido concertos en moitos países arredor do mundo. Ademais foi profesor de violonchelo barroco e impartiu claes maxistrais nos conservatorios superior da Coruña e profesional de Santiago e Lugo, ademais de noutras moitas escolas e asociacións. Hoxe conversamos con el en Radio Ateneo Podcast.
31 OCT 2024 · Julieta Viñas, soprano de canto histórico, e Paula Brieva, corda pulsada, forman o conxunto Dolce Rima. Son dúas valencias que se xuntaron na cidade de Sevilla atraídas pola axitación da cidade capital da música antiga. Actualmente, este grupo, formado polas dúas artistas, é de formación variable, con asiduos colaboradores segundo os distintos programas. Hoxe escoitámolas en Radio Ateneo Podcast.
24 OCT 2024 · Adrián Linares é violín solista da Orquestra Sinfónica de Galicia, ademais de concertino da Orquestra Barroca de Tenerife e director de El Afecto Ilustrado, que actuou o pasado 15 de outubro no festival Ateneo Barroco. Linares iniciou os seus estudos en Tenerife, puidendo acceder posteriormente ao Conservatorium van Amsterdan, onde cursou estudos superiores. Posteriormente, a través dunha bolsa do Ministerio en España puido realizar estudos de máster de violín, dando comezo á súa grande carreira musical.
17 OCT 2024 · Montserrat Capelán é profesora da USC e coordinadora do grupo de investigación Organistrum. É tamén especialista es música americana, galega e da emigración, temas sobre os que ten escritos varios volumes colectivos e numerosos artigos e textos.
10 OCT 2024 · Carlos Taibo foi profesor de Ciencia Política na Universidade Autónoma de Madrid durante trinta anos e é autor de diversos libros centrados na crise ecolóxica, o decrecemento e a teoría do colapso. Algúns dos seus títulos máis destacados inclúen En defensa del decrecimiento (2009), Colapso (2016), Ante el colapso (2019) e Breviario de ecología libertaria (2024).
3 OCT 2024 · Xavier Coller é catedrático de Ciencia Política na UNED e de Socioloxía na UPO, con experiencia docente en universidades de Europa e EE.UU. e máis de cen publicacións. Esta tarde presentará o seu libro La teatralización de la política en España no Ateneo de Santiago, pero agora é o momento de falar con el sobre a obra en Radio Ateneo Podcast.
27 JUN 2024 · Elena Gallego Abad é escritora, xornalista e autora da novela O legado da nena do Sal, que conta a historia vivida por Camiña de Colosía, a nai da autora, cando nos anos 30 quedou orfa e foi acollida por unha familia de Viveiro, un relato de supervivencia e que reflicte os duros anos da España de posguerra.
13 JUN 2024 · Gonzalo Navaza Blanco é escritor e filólogo, ademais de profesor na Facultade de Filoloxía e Tradución da Universidade de Vigo, así como estudoso e investigador no eido da onomástica. Hoxe falaremos con el en Radio Ateneo Podcast sobre toponimia galega, ámbito no que realizou recollida de campo e corrección dos mapas do Instituto Xeográfico Nacional para as provincias de Pontevedra e Ourense.
Entrevistas en profundidade con diversas personalidades que teñan algo importante que achegar ao Ateneo, á cidade, á cultura ou ao ámbito social.
Information
| Author | Radio Ateneo |
| Organization | Radio Ateneo |
| Categories | Society & Culture |
| Website | - |
| radioateneopodcast@gmail.com |
Copyright 2024 - Spreaker Inc. an iHeartMedia Company
